/2022.06.02/: Лхагва гарагт АНУ-ын тангарагтны шүүгч Жонни Деппийн талд орж, экс эхнэр Эмбер Хердийг түүнийг гүтгэсэн хэмээгээд түүнээс 10 сая доллар гаргуулахаар боллоо.

Ингэхдээ Херд Деппийг хүчирхийлсэн гэж худал хэлсэн гэх үндэслэлийг баталжээ.

Гэвч тангарагтны шүүх хоёр шийдвэр гаргасан бөгөөд Деппийн нэг өмгөөлөгч Хердийг гүтгэсэн болохыг тогтоож, түүний нөхцөл байдлыг улам дордуулж харагдуулахын тулд хосын орон сууцыг бодит байдлаас гажуудуулж өөрчилсөн бөгөөд бас бус бодит явдлыг өөрчилж харагдуулсан гэж буруутгажээ. Шүүгчдийн бүрэлдэхүүн түүнд 2 сая долларын торгууль оногдуулсан байна.

Эмберийн эсрэг үүсгэсэн хэргийн шүүх хурал нь үнэн мөнийг тогтоосноор Деппийн унаад байгаа нэр хүндийг сэргээнэ гэж таамаглаж байсан бол шүүх хуралдаанд гарч ирсэн нотлох баримтууд нь тэдний гэрлэлт үнэхээр ноцтой байсныг олон нийтэд харуулсны эцэст нэг юм дууслаа.

Шүүхийн шийдвэрийг уншиж байх үед шүүх танхимд олон хоног явсаар шантарсан Херд зүрх нь эмтэрч байгаагаа хэлсэн байна.

“Энэ шийдвэр хүчирхийлэлд өртөж байгаа бусад эмэгтэйчүүдийн хувьд ямар үр дүнг харуулж болохыг бодоход миний сэтгэл хямарч байна. Энэ бол ухралт юм. Үг дуугарч, үгээ хэлсэн эмэгтэйг олны өмнө доромжилж болдог байсан цагийг буцаан авчирч байна" хэмээн тэрээр өөрийн твиттер хуудсандаа нийтэлжээ.