/2022.05.19/ УИХ-ын чуулганы хуралдаан үргэлжилж байна.

Хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуулийн төсөл болон дагалдах бусад хууль тогтоомжийн хэлэлцэх эсэхийг хэлэлцэж байна.

Энэ үеэр УИХ-ын гишүүн Д.Тогтохсүрэн, "Хүүхдийн мөнгийг ялгавартай олгох хэрэгтэй. Одоо өөр аргагүй болсон. Түүнчлэн халамжийг зорилтот бүлэг рүү нь чиглүүлэхээс өөр аргагүй боллоо. Хавтгайруулах хэрэггүй. Тиймээс энэ чиглэлээр төсвийн хүрээний мэдэгдэл дээр ажлын хэсэг гарч ажиллах байх. Байнгын хорооноос үүнийг нэлээд сайн цэгцлэх хэрэгтэй гэж бодож байна" гэв.