/2022.05.19/: НАТО ойрын долоо хоногт Украины тулалдааны талбарт аль аль талдаа дорвитой алхам хийхээргүй байна. Украин дахь нөхцөл байдал нэг хэсэгтээ намжиж хоёр улс нэгнээ харсан байдалтай байх талаар НАТО-гийн цэргийн өндөр албан тушаалтан хэллээ.
Турк НАТО-гийн саналыг хүлээж авах боломжтой: Хэрэв Туркд ямар нэгэн хориг арга хэмжээ авбал Финланд, Швед хоёр НАТО-гийн гишүүн орон болохыг дэмжихгүй гэж Анкара мэдэгдэв. Байдены үндэсний аюулгүй байдлын зөвлөх Жейк Салливан тэдний НАТО-гийн өргөдлийг "Европын аюулгүй байдлын чухал үе" гэж нэрлэв.
Украин дахь өөрчлөлт: Тагнуулын мэдээллийг хариуцдаг НАТО-гийн цэргийн албан тушаалтан хэлэхдээ, дайны эрч хүч Украины талд ихээхэн өөрчлөгдөж байгааг харж байна. Киев, Крым болон Донбассын нутаг дэвсгэрийг эргүүлэн авах боломжтой эсэх талаар НАТО-гийн хүрээлэл дэх маргаан одоо дуусч байна гэж албаны хүн хэлэв.
Үүний зэрэгцээ Украины зэвсэгт хүчнийхэн Харьков мужийн дахин нэг сууринг эргүүлэн авсан гэж мэдэгдээд байгаа бөгөөд цэргүүд тус бүсэд сөрөг довтолгоогоо үргэлжлүүлсээр байна.
АНУ Элчин сайдаа батламжиллаа: АНУ-ын Сенат гадаад албаны ажилтан болох Бриджит Бринкийг Украинд суух Элчин сайдаар томиллоо. Мари Йовановичийг 2019 оны тавдугаар сард тухайн үеийн Ерөнхийлөгч Дональд Трамп эргүүлэн татсанаас хойш тус улс дахь АНУ-ын Элчин сайдын яам баталгаажсан Элчин сайдгүй байсан юм.
Хүнсний яаралтай тусламж: АНУ-ын Төрийн нарийн бичгийн дарга Антони Блинкен АНУ Украинд нэмэлт 215 сая долларын хүнсний яаралтай тусламж үзүүлнэ гэж мэдэгдээд ОХУ-ын түрэмгийллийн улмаас дэлхийн хэмжээнд өсөн нэмэгдэж буй хүнсний хямралд яаралтай тусламж үзүүлэхийг бусад улс орнуудад уриалав. Блинкен мөн АНУ болон түүний холбоотнууд ОХУ-д тавьсан хориг арга хэмжээ нь хүнсний хямралыг гүнзгийрүүлсэн нь худал гэж мэдэгджээ.
Дайны гэмт хэргийн шүүх хурал: Киевт болсон шүүх хурал дээр олзлогдсон 21 настай орос цэрэг дайны гэмт хэрэг үйлдсэн хэргээ хүлээн зөвшөөрөв. Олзны цэрэг болох ОХУ-ын иргэн Вадим Шишимариныг Сумы мужид 62 настай эрэгтэйг хөнөөсөн хэрэгт буруутгаж байгаа юм. Энэ нь хоёрдугаар сарын 24-нд Орос Украин руу цөмрөн орсноос хойшхи анхны дайны гэмт хэргийн шүүх хурал болж байна.
Мариуполийн нүүлгэн шилжүүлэлт: Тавдугаар сарын 16-наас хойш Мариуполь дахь Азовсталь гангийн үйлдвэрт барйлаж байсан Украины 959 цэрэг бууж өгсөн бөгөөд түүний дотор шархадсан 80 байна гэж Оросын Батлан хамгаалах яам лхагва гарагт мэдэгдэв.
Эх сурвалж: CNN
