/2022.04.18/ Цагдаагийн алба хаагч 13 настай охин руу буу тулган сүрдүүлсэн хэргийн талаар тайлбар мэдээлэл өглөө.

ЦЕГ-ын хэвлэл мэдээллийн төвийн дарга Б.Баатархүү:

-Аймгийн цагдаагийн газраас мөрдөн байцаах тасгийн дарга болон орлогч прокуророор ахлуулсан ажлын хэсэг Ховд аймгийн Дарви суманд ажиллаж байна. Мөн АТГ-ын бүс хариуцсан комиссар ажиллаж байгаа. Надад ирсэн мэдээллээр дээрх хүмүүс тухайн охины ар гэрийнхэнтэй уулзсан гэсэн.

Хүмүүс цагдаагийн алба хаагчаа хамгаалж байна гэх байх. Гэхдээ бид бодит байдлыг үнэнээр нь хэлэхээс өөр арга байхгүй. Тухайн охиныг 24 цаг хэсгийн төлөөлөгчийн байранд байлгаагүй, дүү нартайгаа хамт байсан гэсэн мэдээллийг аймгийн цагдаагийн газраас өгсөн.

Бид болсон үйл явдлыг нууц, хаацайлах оролдлого хийхгүй гэлээ.