Өтгөн нь жижиг хэмжээтэй, хатуу тогтмол бус, гарахдаа хүндрэлтэй байхыг өтгөн хаталт гэнэ.
Шинж тэмдэг
- Том, жижиг хатуу өтгөн гарах
- Бие засахад хүчтэй дүлэх шаардлага гарах
- Гүйцэт өтгөнөө гаргаагүй мэт санагдах
- Хэвлий дээр дарж бие засах шаардлагатай болох зэрэг шинж тэмдгүүд ажиглагдана.
Эмчинд хэзээ хандах вэ?
7 хоногт гурваас доош удаа хүндрэх болон дээрх шинж тэмдэгүүд илэрсэн тохиолдолд эмчид хандах шаардлагатай.
Шалтгаан
- Төрөлхийн эмгэгүүд /шулуун гэдэс урттай байх/
- Бүдүүн гэдэсний цүлхэн
- Шамбарам, хошногоны цууралт
- Сэтгэц гутралын эмүүд удаан хугацаагаар хэрэглэсэн тохиолдолд
- Хоололт /хоол хүнсэндээ ислэг бага хэрэглэх/
- Шингэн бага уух
- Кофейн агуулсан зүйл ихээр хэрэглэх
- Архи согтууруулах ундаа хэтрүүлэн хэрэглэх
- Дасгал хөдөлгөөн бага хийх
- Хөөлгөөнгүй удаан суугаа ажил хийх
Эрсдэлт хүчин зүйлс
- Хүүхэд
- Өндөр настан
- Эмэгтэйчүүд
- Удамшил
Хүндрэл
Хэрэв сүүлийн 3 сарын дотор өтгөн хаталтын шинж тэмдгүүд гурваас дээш удаа ажиглагдсан бол архаг өтгөн хаталттай гэж үзнэ. Та хамгийн чухал нь амьдралын хэв маягаа өөрчлөх хэрэгтэй.
Оношлогоо
- Нарийн мэргэжлийн эмчийн бодит үзлэг
- Цусны ерөнхий шинжилгээ
- Өтгөний шинжилгээ
- Шаардлагатай тохиолдолд /Дуран, тодосгогчтой рентген шинжилгээ/
Эмчилгээ
- Амьдралын хэв маяг дээр зөвлөгөө өгөх
- Эмэн эмчилгээ
Зөвлөмж
- Хоол хүнсэнд хэрэглэх эслэгийн хэмжээг ихэсгэх, эслэгээр баялаг хоол хүнс болох хивэг, бүхэл үрийн талх, навчит ногоонууд, жимс жимсэн бүтээгдэхүүн хэрэглэх
- Хэт боловсруулсан цагаан талх, бяслаг гэх мэт хоол хүнсний хэрэглээг бууруулах
- Өдөрт хэрэглэх шингэний хэмжээг ихэсгэхдээ согтууруулах ундаа, кофейны төрлийн зүйлсийг багасгах
- Туулгах эмийг тогтмол хэрэглэхгүй байх. Учир нь гэдэс ийм эмгэгүйгээр үйл ажиллагаа явуулж чадахгүй болдог
- Тогтмол бие засахаа мартаж болохгүй. Учир нь өтгөн хэр удаан хугацаагаар гэдсэнд хадгалагдана төдий чинээ хатуурдаг
- Аль болох өдөр бүр тогтмол цагт бие засч сурах
