/2021.11.09/: Америкийн ачааны тээврийн нийгэмлэгийн ерөнхийлөгч бөгөөд гүйцэтгэх захирал Крис Спир CNN-д өгсөн ярилцлагадаа, ачааны тээврийн салбарт 80,000 гаруй жолооч дутагдаж байгаа нь түүх дэх хамгийн эрэлт болоод байна гэжээ юм.
Ерөнхийдөө 61,500 жолоочийн ажиллах хүчний хомсдолтой тулгараад байсан тус салбар нь цар тахал өвчний улмаас эрэлт улам нэмэгдэж өмнөх үеийнхээс 30 хувиар өссөн үзүүлэлт байна.
"Энэ бол нэлээд том өсөлт" гэж Спир нэмж хэлэв. Олон жолооч тэтгэвэртээ гарч, салбараа орхиж байна. Хэрэглэгчийн эрэлт нэмэгдэж, илүү олон жолооч шаардлагатай болж байгаа нь хомсдолд ихээхэн үүрэг гүйцэтгэж байгаа.
АНУ-ын боомтууд ачаалал ихтэй, ачаа тээвэрлэх ачааны машин, жолооч цөөхөн байдаг тул нийлүүлэлтийн сүлжээ удааширч байна. Ерөнхийлөгч Байден Лос-Анжелес, Лонг Бич боомтуудыг 24/7 үйл ажиллагаанд шилжүүлэхээр болсон хэдий ч импортлогчдод ачаагаа цаг наргүй зөөх жолооч хүрэлцэхгүй байгаа тул боомтууд өдрийн цагаар ажиллах боломжгүй байна.
"24/7 үйл ажиллагаа - энэ бол сайжруулалт" гэж Спир хэлэв. "Гэхдээ энэ нь ЛА эсвэл Лонг Бич дэх боомт байна уу, эсвэл галт тэрэгнээс Вичита дахь агуулах хүртэл хүргэх сүүлчийн миль байх нь хамаагүй. Та энэ ачааг жолооч, ачааны машинтай байж л хүргэнэ."
Ачааны машины жолооч нар АНУ-ын эдийн засгийн нийт барааны 71 хувийг зөөдөг ч зам дээр байгаа тээврийн хэрэгслийн дөнгөж 4 хувийг эзэлдэг гэж Спир хэлэв. Хэрэв энэ хэвээр үргэлжилбэл, хамгийн сүүлийн үеийн тоо баримтаас харахад энэ салбар 2030 он гэхэд 160,000 жолоочийн хомсдолд орж, ирэх арван жилд 1,000,000 шинэ жолооч шаардлагатай болно гэж Америкийн Ачааны Тээврийн Нийгэмлэгүүд мэдэгдэв.
Конгресст дэд бүтцийн тухай хуулийн хоёр намын төсөлд тээврийн салбарт ажиллах хүч болбон тээвэрлэлтийг шийдэх, хөгжүүлэх зэрэг олон зуун тэрбум долларыг зарцуулахаар заасан байгаа ажээ. Ингэснээр 18-20 насны 3000 жолоочийг сургалтад хамруулж, улсын хэмжээнд том чиргүүлтэй ачааны машин жолоодох эрхтэй болно. Одоогийн хуулиар жолооч нар 21-с дээш настай байх ёстой юм.
Спир залуу жолооч нар ажиллах хүчний хомсдолыг арилгахад гол хариулт нь болно гэж үзэж байгаа ажээ.
"Энэ бол яг одоо энэ асуудлыг хөнгөвчлөхийн тулд хийж болох хамгийн үр дүнтэй арга хэмжээ гэж би бодож байна. Тиймээс ирэх жил [бид] энэ яриаг хийхгүй, учир нь бид хөрөнгө оруулалт хийж байгаа учраас энэ хомсдол багасах болно" гэж Спир хэлэв.
Эх сурвалж: cnn.com
