Ангела Меркель улс төрийг орхиж байна. Төмөр Фрау юугаараа дурсагдах вэ?
/2021.09.28/: Германы томоохон улс төрч Ангела Меркель Холбооны канцлерын ажлаа өгч тус улсын нэгэн эрин үе өнгөрч байна.
Бундестагийн ээлжит сонгууль есдүгээр сарын 26-нд болсон. Тус сонгуулиар Германы Социал демократ нам ялсан бол Христийн ардчилсан нам болон Христийн нийгмийн холбоодын эвсэл сонгогчдын 24 хувийн санал авчээ. Харин Ногоонууд нам 15-17 хувийн дэмжлэгтэйгээр эхний гуравт жагсав.
Ангела Меркель 16 жилийн турш тус улсын төрийг тэргүүлсэн билээ. Прагматизм болон байр сууриа хадгалж чаддаг чадвараас нь болж Германы хэвлэлүүд түүнд Төмөр Фрау /хатагтай/ хоч өгсөн байдаг.
Ангела Меркелийн хувийн амьдрал
Ангела Доротиа Каснер 1954 оны долоодугаар сарын 17-нд Германы Гамбург хотод төрсөн. Түүний аав нь Польш цустай байжээ. Лютеран геологи судалдаг байсан Хорст Казмерчак нь Адольф Гитлерийг засгийн эрхэнд гарахаас гурван жилийн өмнө нэрээ герман болгон сольжээ. Түүний өвөө Людвик Казмерчак Познан хотод амьдарч, цагдаагаар ажиллаж байсан ба Герман болон Польшийн армид байлдаж байжээ. Охиноо төрсний дараа Хорст, Герлинда Каснер нар БНАГУ-д нүүж очсон бөгөөд гэр бүлийн тэргүүн нь пастороор ажиллаж, Социалист намыг дэмждэг байсан бол түүний ээж нь хэл заадаг байв.
Сургуульд байхдаа Ангела дуугүй, гэхдээ нийгэмшсэн, хичээлдээ амжилттай суралцдаг охин байлаа. Тэр ялангуяа байгалийн шинжлэх ухаанд сайн байсан ба хожим нь тэрээр Лейпцигийн их сургуулийн физикийн тэнхимд элсэн орсон юм. Ангела Чөлөөт Германы Залуучуудын Холбоонд (SSNM) элсэж, 1974 онд Зөвлөлтийн оюутнуудтай хийсэн солилцооны уулзалтын үеэр тэрээр анхны нөхөр болох Вогтландаас ирсэн Ульрих Меркельтэй танилцжээ. Тэд хуримаа гурван жилийн дараа хийсэн боловч 1982 онд хосууд салах өргөдлөө өгсөн байна. 1984 оноос хойш Меркель хоёр дахь нөхөртэйгээ танилцаж, тэд 1998 онд албан ёсоор гэрлэжээ. Ангела Меркель хүүхэдгүй юм.
Ангела Меркелийн улс төрийн үйл ажиллагаа
Ангела Меркель 1978-1989 онд БНАГУ-ын ШУА-ийн онолын химийн тэнхимд ажиллаж байхдаа улс төрийн замд оржээ. Тэрээр намын гишүүн биш байсан ч ЧГЗХ (SSNM)-ны дүүргийн хорооны гишүүн, суртал ухуулга, сурталчилгааны нарийн бичгийн дарга хийж байжээ. Түүнд "соёл, боловсролын ажил" их таалагдсан гэдэг.
Улс төрийн карьер нь хэрхэн эхэлсэн бэ?
Ангела Меркелийн карьер Герман болоод нийт Европын Олимпод оролцох үед эхэлсэн ба 1989 онд ирээдүйн канцлер Ардчилсан нээлтийн намд элссэн байна. Тэрээр компьютерийн администратор, ухуулах хуудас боловсруулагч, тэр байтугай БНАГУ-ын засгийн газрын хэвлэлийн нарийн бичгийн даргаар ажиллаж байсан байна. Жилийн дараа "Ардчилсан нээлт" нам Баруун Германы Христийн ардчилсан холбоотой нэгдэж, Ангела Меркель Холбооны Бүгд Найрамдах Герман Улсын Мэдээлэл, хэвлэлийн хэлтсийн зөвлөх болсон ба 12-р сард Фрау Бундестагийн гишүүний суудалд суужээ.
Меркелийн албан тушаал
1990 оны намар Ангела Меркель канцлер Хельмут Кольтой анхны уулзалтаа хийжээ. Сонгуульд ялсныхаа дараа Ангелагийн карьер огцом өссөн байна. Залуу улстөрч канцлер Колийн итгэлийг хүлээсэн тул олон нийт түүнийг "Колягийн охин" гэж нэрлэх болжээ. 1991-1994 онд Меркель эмэгтэйчүүд, залуучуудын асуудал хариуцсан хэлтсийг, 1994-1998 онд Байгаль орчныг хамгаалах, цөмийн аюулгүй байдлын яамыг удирдаж байсан. 1999 онд ХАХ-нь хууль бусаар санхүүжүүлэлтийн дуулианы улмаас тухайн үеийн канцлер болон тус холбооны дарга Вольфганг Шойблегийн карьерыг дуусгавар болгожээ. "Хуучин улс төр"-өөс салах шаардлагатай байгааг "Колягийн охин" өөрөө зарласан ба 2000 оны дөрөвдүгээр сард Меркель ХАХ-г удирдаж эхэлсэн бөгөөд таван жилийн дараа тэрээр тус улсын анхны эмэгтэй канцлераар сонгогдсон юм.
Ангела Меркелийг яагаад магтдаг вэ?
Сөрөг хүчний намын даргын үүргийг гүйцэтгэж байхдаа Ангела Меркель цөмийн энергиэс татгалзаж, Туркийг Европын холбоонд элсүүлэхийг дэмжиж германчуудын итгэлийг олж авчээ. Тэрээр Ирак дахь "нөхцөл байдлыг шийдвэрлэхэд" нь АНУ-д дэмжлэг үзүүүлсэн нь түүнд улс төрийн нэр хүндийг авчирсан юм. Канцлерийн хувьд Меркель өөрийн гэсэн "ажил хэргийн" хэв маягийг бий болгож чадсан. Тэрээр ажилгүйдлийг бууруулж, хүн амын орлогыг нэмэгдүүлснээр эдийн засгийн нийгмийн вектор нэмэгджээ. "Дэлхийн улс төрч"-ийн хувьд Ангела Меркель цэргийн мөргөлдөөнийг таслан зогсоох ажилд оролцож, байгаль орчны нөхцөл байдлыг сайжруулахын төлөө тэмцэж байв.
Ангела Меркелийг яагаад загнаж байгаа юм бэ?
Канцлерын рейтинг буурсан үе бол 2015 оны цагаачлалын хөдөлгөөний хямрал байв. Тухайн үед Ангела Меркель хилээ нээж, хоёр сая гаруй цагаачдыг найрсгаар Герман улс руу оруулахаар шийдсэн юм. Хожим нь энэ бодлогоо чангалах шаардлагатай болсон. Учир нь цагаачид Германы нийгмийн нэг болж чадалгүй тус улсын хууль дүрмийг дагаж мөрдөхгүй байдлыг улам дордуулсан байна. Хамгийн сүүлийн
бүтэлгүйтлийн нэг бол коронавирусын хязгаарлалтын эсрэг жагсаал болоод Рейн мужид болсон үерийн үеэр засгийн газрын агентлагууд тохиромжтой арга хэмжээ авч чадаагүй бөгөөд гамшгийн хохирол тооцоолсноос давсан байна.
Дотоод бодлого, шинэчлэл, алдар нэр
Герман улс нь санхүүгийн хямралыг хөршүүдээсээ илүү хялбар даван туулсан. Меркелийн удирдлагаар тус улс эдийн засгийн төдийгүй улс төрийн томоохон төлөөлөгч болж чадсан юм. Холбооны канцлерыг энгийн герман иргэд ихээр хүндэлдэг бөгөөд ард иргэд түүнийг Мутти буюу "ээж" гэж хочилдог байна.
Ангела Меркель сонгогчдод эдийн засгийн урьд өмнө байгаагүй тогтвортой байдал, төсвийн алдагдалгүй байдал, Европын холбооны "гол" тоглогчийн нэр хүндийг авчирсан. Канцлер анхны бүрэн эрхийн хугацаанаасаа эхлэн тус улсын тогтолцоог сайжруулж, хүнд сурталтай тэмцэж, судалгаа шинжилгээг идэвхжүүлж, санхүүгийн бодлогоо сайжруулахыг хичээж, хөдөлмөрийн зах зээлийг хөгжүүлсэн байна. Ангела Меркелийг дэлхийн хамгийн нөлөө бүхий эмэгтэй гэж олон удаа нэрлэж байсан бөгөөд энэ статус түүний нэр хүндийн ихээр нэмэгдүүлсэн байдаг.
Улс төрийн үзэл бодол, гадаад бодлого
Улсын тэргүүний хувьд аливаа шийдвэр гаргахдаа эрх чөлөөтэй байдаг бол гадаад бодлогын хувьд НАТО-гийн гишүүн орнуудын хүчин чармайлтыг зохицуулах нь чухал гэж үздэг байна.
Улс төрийн карьераа дуусгав
Меркелийн засаглалын төгсгөлд Германы эдийн засгийн амжилт өнгөрсөн түүх болон үлджээ. Царт тахлын өмнө Германы дотоодын нийт бүтээгдэхүүн нь 0 болж буурсан тул Европын холбооноос хэмнэлт гаргах хүсэл нь дэмжигчдийн хувьд тийм ч таатай байгаагүй. Ангела Меркелийг мөн улс төрийн зогсонги байдалд буруутгаж байна - Герман нь Европын холбоонд маш том сорилтыг даван туулахад тусалсан боловч улс орнуудын хооронд идэвхтэй ойртоход тийм ч их санал өгөөгүй юм. Евросцептикуудын эгнээ өргөжиж, олон нийтийн амьдралд уламжлалт үзлээсээ хагацаж байгаад урам хугарсан хүмүүсийн тоо нэмэгдсээр байна.
Эх сурвалж: ren.tv
