/2023.04.28/: Азийн физикийн олимпиадыг анх 2000 онд санаачилж, Индонез улс зохион байгуулж байсан юм. 23 дахь удаагийн олимпиад манай улсад болох гэж байна. Олимпиад тавдугаар сарын 21-29-ний өдрүүдэд болно.

Азийн физикийн олимпиадын хорооноос шилжин явах туг дамжуулдаг уламжлалтай бөгөөд 23 дахь удаагийн олимпиадыг зохион байгуулагчийн хувиар тугийг Энэтхэг улсаас хүлээн авчээ.

Энэ олимпиад нь:

• Физикийн боловсролын чанарыг үнэлэх, түвшинг тогтоох
• Физикт авьяастай, ирээдүйтэй хүүхэд залуусыг дэмжих, мэргэжлийн түвшинд ахих боломж олгох
• Бүс нутгийн олон төрлийн соёлтой танилцах, түгээн дэлгэрүүлэх зорилготой юм.

Азийн Физикийн олимпиадыг зохион байгуулснаар:

• Физикийн шинжлэх ухааныг сурталчлан таниулах
• Азийн улсуудын физикийн шинжлэх ухааны хөгжлийн түвшин, сурагчдын мэдлэг, чадварын баримжаа гаргах
• Монголын физикийн салбарын гадаад хамтын ажиллагааг өргөжүүлэх
• Монголын физикийн шинжлэх ухааныг сонирхон судлагчдыг дэмжих, олон улсын хэмжээнд өрсөлдүүлэх боломжийг нээх юм.