/2023.04.24/: Өнөөдөр болох онцлох үйл явдлуудын мэдээллийг тоймлон хүргэж байна.

-Монгол Улсын Ерөнхийлөгч У.Хүрэлсүх, гэргий Л.Болорцэцэг нарын урилгаар Бүгд Найрамдах Польш Улсын Ерөнхийлөгч Анджей Дуда гэргий Агата Корнхаузер-Дудагийн хамт Монгол Улсад дөрөвдүгээр сарын 24-26-нд хийх төрийн айлчлал өнөөдөр эхэлж байна.

11:00 цагт Төрийн ордонд: ЦХХХ-ны сайд Н. Учрал “Шилэн” ажиллагааны хүрээнд Shilen.gov.mn сайтад шинээр нээлттэй ил тод байрлуулсан мэдээллүүд болон бусад үйл ажиллагааны талаар мэдээлнэ.

12.00 цагт УЕПГ-ын үүдэнд: Мэдээллийн зарим сайтын сэтгүүлчид ЗТХ-ийн сайдад хамаарал бүхий хэргийн холбогдох матeриалыг цуглуулснаа АТГ болон Улсын eрөнхий прокурорын газарт хүлээлгэн өгч, мэдээлэл хийнэ.

14.00 цагт Үндэсний мэдээллийн МОНЦАМЭ агентлагийн байранд: Дэлхийн хэвлэлийн эрх чөлөөний өдрийг угтан ЮНЕСКО-гийн Монголын Үндэсний комисс, ХЭҮК, “Эмнести Интернэшнл”, “Глоб Интернэшнл” төв, МСНЭ, Хэвлэл Мэдээллийн зөвлөл хамтарч “Сэтгүүл зүйд хүний эрхийг хангах нь” хэлэлцүүлэг зохион байгуулж байна.

15.00 цагт “Орд” арт галерейд: Хүүхдийн урлан бүтээх төвийн уран бүтээлч, багш Р.Энхбаяр, Г.Туяа нарын бие даасан үзэсгэлэнгийн нээлттэй.