/2023.04.17/: Өнгөрөгч бямба гарагийн шөнө "Sweet 16" төрсөн өдрийн үдэшлэгт халдлага болсны улмаас дөрвөн хүн амиа алдаж, 28 хүн шархаджээ.
Халдлага Дэдвилл хотын төвд 22:34 цагийн орчимд болсон байна.
Халдлагын улмаас шархадсан хүмүүсийн заримынх нь биеийн байдал хүнд хэвээр байгаа аж.
Үйл явдлын талаарх мэдээллийг Алабама мужийн хууль сахиулах байгууллагад мэдэгдэхийг цагдаагийн байгууллагаас олон нийтэд уриалаад байна.
Амиа алдсан хүмүүсийн дунд ахлах сургуулийн алдарт хөлбөмбөгчин Филставиус Доуделл байжээ.
Шархадсан 15 хүүхдийн 6 нь эмнэлгээс гарсан бол үлдсэн 9 хүүхдийн тавынх нь биеийн байдал хүнд, дөрөв нь тогтвортой байгаа аж.
Цагдаа нар халдлага үйлдэгчийн талаар болон ямар шалтгааны улмаас халдлага үйлдсэн талаар ямар нэгэн мэдээлэл өгөөгүй байна.
Эх сурвалж: CNN
