/2023.04.12/: Азийн аварга шалгаруулах тэмцээний 62 кг-ын жинд Монгол Улсын гавьяат тамирчин П.Орхон хагас шигшээд 2022 оны Белградын Дэлхийн аварга шалгаруулах тэмцээний хүрэл медальт БНХАУ-ын Луо Шяо Жюаныг 7:3-ын харьцаатайгаар яллаа.

Ийнхүү Ази тивд гурав дахь удаагаа финалдаж буй П.Орхон алтан медалийн төлөө “Токио-2020” олимпийн мөнгөн медальт, дэлхийн хошой аварга Кыргызстаны Айсулуу Тыныбековатай барилдахаар болов.