/2023.04.10/: Сонгинохайрхан дүүргийн 19 дүгээр хороо, 21 дүгээр хорооллын автозамын зорчих хэсэг автомашин шатаж байна гэсэн дуудлагыг өчигдөр өдрийн 16:49 цагт Онцгой байдлын газарт иржээ.

Дуудлагын дагуу тус дүүргийн Онцгой байдлын хэлтсийн алба хаагчдыг очиход иргэн С-ын “Сонато-6” загварын суудлын автомашин шатаж байсныг 15 минут ажиллан унтраасан байна.

Тус гал түймэрт иргэн С 51 настай, эрэгтэй, иргэн Г 40 настай, эрэгтэй, иргэн Г 43 настай, эрэгтэй нар түлэгдсэн байсныг нийслэлийн түргэн тусламжийн төвийн эмчид хүлээлгэн өгчээ.

Эх сурвалж: ОБЕГ