/2023.03.28/: Хөдөлмөр, нийгмийн хамгааллын яам, Хүнс, хөдөө аж ахуй, Хөнгөн үйлдвэрийн яам, Монголын хөнгөн үйлдвэрийн ажилтны үйлдвэрчний эвлэлүүдийн холбооноос хамтран Хөнгөн аж үйлдвэрийн салбарын хөдөлмөрийн яармагийг зохион байгуулна.

“Залууст ээлтэй аж үйлдвэрийн хувьсал” хөдөлмөрийн өдөрлөг 2023 оны гуравдугаар сарын 31- нд Монголын Үйлдвэрчний Соёлын Төв Ордонд болно.

Тус өдөрлөгийн үеэр мэргэжлээ сонгох гэж буй ерөнхий боловсролын сургуулийн төгсөх ангийн сурагчид, их дээд сургууль болон Мэргэжлийн сургалт үйлдвэрлэлийн төгсөгчид ажил идэвхтэй хайж байгаа залуус хамрагдаж, хөдөлмөрийн зах зээлд хамгийн эрэлттэй мэргэжлээр их дээд сургууль, Мэргэжлийн сургалт үйлдвэрлэлийн төвүүдэд хөнгөлөлттэй үнээр суралцах, мэргэжлээ зөв сонгох, ажлын байраа олох боломжтой.

Дэмжигч байгууллагаар Монголын Үйлдвэрчний Эвлэлийн Холбоо, Хөдөлмөр, халамжийн үйлчилгээний ерөнхий газар, Боловсролын ерөнхий газар оролцох бөгөөд өдөрлөгийн үеэр хөнгөн аж үйлдвэрийн салбарын 50 аж ахуйн нэгжийн нээлттэй ажлын байр зарлагдах юм.

Эх сурвалж: ХНХЯ