/2023.03.23/: "Монголд зочлох жил - 2023 - 2025" арга хэмжээний хүрээнд Монгол Улсад БНСУ-аас жуулчин ирүүлэх, тэдний хүсэл сонирхолд тулгуурласан маршрутыг шинэчлэх бусад сайжруулах асуудлыг хэлэлцлээ. Тус хуралд БОАЖЯ-ны Аялал жуулчлалын бодлого зохицуулалтын газрын дарга Т.Мөнх-Од оролцов.
Хурлаар:
- Энэ зуны жуулчдад үзүүлэх үйлчилгээний чанарыг сайжруулах;
- Тухайн жилд жуулчдад үзүүлэх үйлчилгээний нэгдсэн үнэ ханшийг тодорхой болгох;
- Жуулчны бааз, Зочид буудал буюу зочлох үйлчилгээг сайжруулах зэрэг асуудалд санал солилцов.
Аялал жуулчлалын бодлого зохицуулалтын газрын дарга Т.Мөнх-Од МУ-ын Засгийн газраас 2023 онд 1 сая жуулчин хүлээн авах зорилго тавьсан ба үүний дагуу аялал жуулчлалын компаниудтай хамтран ажиллах, бодлогын дэмжлэг үзүүлэх, тухайлбал БНСУ-д болж буй ЭКСПО үзэсгэлэнд оролцуулах, холбож өгөх ажилд хамтран ажиллаж болох талаар мэдээлэл өгөв.
Эх сурвалж: БОАЖЯ
