/2023.03.15/: Өнөөдөр болох онцлох үйл явдлуудыг тоймлон хүргэж байна.

Өнөөдөр засгийн газрын ээлжит хуралдаан болно.

09.00 цагт Төрийн ордонд: Хөгжлийн банкны зээлийн эргэн төлөлтийг хянан шалгах Түр хорооноос нотлох баримтыг шинжлэн судлах гурав дахь шатны сонсгол 3 дахь өдрөө үргэлжилнэ.

10.00 цагт Төрийн ордонд: УИХ-ын 2023 оны хаврын ээлжит чуулган нээгдэнэ

11.40 цагт “Чингис хаан” музейн Хүндэтгэлийн танхимд: Монгол Улсын Төрийн шагналт, Ардын уран зохиолч Шаравын Сүрэнжавын нэрэмжит яруу найргийн “Тэнгэрийн хүү” улсын хоёрдугаар наадам болно.

11.00 цагт Эрх чөлөөний талбайд: “Ухаалаг хэрэглэгч-Цэвэр эрчим хүч” нээлттэй өдөрлөг болно.

13.00 цагт Гандантэгчэнлин хийдийн Батцагаан цогчэн дуганд: “Хамаг монголчууд бүү мартагтун” баримтат контент нэвтрүүлгийн хоёр дахь цувралын нээлт болно.

13.30-20.30 цагт “Степпе Арена” мөсөн өргөөнд: Өсвөрийн 18 хүртэлх насны хоккейн Азийн аварга шалгаруулах тэмцээн үргэлжилнэ. Гурав дахь тойргийн тоглолтын хуваариар манай улсын баг өнөөдөр 17.00 цагт Туркменистантай таараад байна.

18.00 цагт СТӨ-нд: “Шөнө буусан аадар” жүжгийн нээлт, улаан хивсний ёслол болно.