/2023.03.01/ Засгийн газрын хуралдаанаас гарсан шийдвэрийг танилцууллаа.

Энэ үеэр Зам тээвэр, хөгжлийн сайд С.Бямбацогт, "Ерөнхий сайдын айлчлалын үр дүн эхнээсээ гарч байна. Тухайлбал, БНСУ-руу хийх нислэгийн тоог нэмэгдүүлж чадлаа. 7 хоногт 44 удаа нислэг үйлддэг байсан бол одоо 80 орчим нислэг үйлдэх бололцоотой боллоо. Өөрөөр хэлбэл тус улс руу өдөрт 11 удаа нислэг үйлдэх боломжтой болж байна. Түүнчлэн ганцхан Сөүл хот руу нислэг үйлддэг байсан бол Пусан, Тэгү зэрэг дөрвөн чиглэлд нислэг үйлдэх боломжийг бий болголоо" гэв.