/2023.02.28/: Монгол Улсын Ерөнхийлөгч У.Хүрэлсүхийн санаачилсан “Тэрбум мод” үндэсний хөдөлгөөнд уул уурхайн салбарын компаниуд нэгдэж 10 жилийн хугацаанд 600 гаруй сая мод тарьж ургуулахаа илэрхийлсэн.
“Эрдэнэс Тавантолгой” ХК “Тэрбум мод” үндэсний хөдөлгөөний хүрээнд 180 сая мод тарьж ургуулах зорилт тавин уул уурхайн салбарын компаниудаа манлайлан ажиллаж техник, эдийн засгийн үндэслэлээ /ТЭЗҮ/ боловсруулсан.
“Эрдэнэс тавантолгой” ХК 180 сая модыг хаана, хэрхэн тарьж ургуулах ТЭЗҮ-ийг Батлан хамгаалах яам, Хөдөө аж ахуйн их сургуулийн эрдэмтэн судлаачдын баг /30 хүн/ бүрэлдэхүүнтэй хамтран боловсруулж БОАЖЯ-ны дэргэдэх Шинжлэх ухаан технологийн зөвлөлийн 2023 оны хоёрдугаар сарын 20-ны өдрийн хуралдаанаар батлуулсан байна.
Энэхүү ТЭЗҮ нь 9 бодь 1552 хуудас бүхий “Тэрбум мод” үндэсний хөдөлгөөний зорилт, зорилгыг бүрэн хангасан болохыг батламжилжээ.
Эх сурвалж: ЭТТ
