/2023.02.27/ Орхон аймгийн Баян-Өндөр суманд 42 настай эмэгтэйг боож унагаан, улмаар автомашиныг нь дээрэмдэн зугтаасан хэрэг энэ сарын 25-ны өдөр гарчээ. Энэ талаарх дуудлага мэдээлэл тухайн өдрийн 01:45 цагт цагдаагийн байгууллагад бүртгэгдсэн байна.

Үүнтэй холбоотойгоор шалгалтын ажиллагаа явуулахад хохирогч эмэгтэйг таксинд явж байхад нь үл таних согтуу эрэгтэй гар өргөн суусан байна. Улмаар боож унагаан машинаас буулгаж, тоёота акуа маркын автомашиныг нь дээрэмдсэн болох нь тогтоогджээ.

Одоогоор хэрэг үйлдсэн этгээд болох 42 настай эрэгтэй "Т"-г баривчлан мөрдөн шалгах ажиллагааг явуулж байгаа аж.