/2023.01.13/: Хэнтий аймгийн Цэнхэрмандал сумын нутагт ачааны автомашин цасанд суусан тухай дуудлага Онцгой байдлын газарт иржээ.
Дуудлагын дагуу Багануур дүүргийн Онцгой байдлын хэлтсийн алба хаагчдыг очиход Хэнтий аймгийн Цэнхэрмандал сумаас нийслэлийн Багануур дүүргийн чиглэлд 5 зорчигчтой (2 нь хүүхэд) зорчиж явсан иргэн М-ын “Бонго-3” загварын ачааны автомашин цасанд суусан байсныг татан гаргасан байна.
Аврагчид буцах замдаа Нугаар багийн “Цагаан давааны хөтөл” гэдэг газар цасанд суусан 38 зорчигчтой, 11 автомашиныг мөн татан гаргажээ.
