/2022.12.05/: Ираны Ерөнхий прокурор Мохаммад Жафар Монтазери пүрэв гарагт, Ираны парламент болон шүүх эрх баригчид хижабын заавал өмсөх ёстой гэсэн хуулийг хэлэлцэж байна гэсэн юм.

Мөн тэрээр "Ираны ёс суртахууны цагдааг татан буулгасан" гэж хэлсэн ч Ираны төрийн хэвлэлүүд эдгээр тайлбарыг эрс эсэргүүцэж байна.

Хижабаа зохих ёсоор өмсөөгүй хэмээн ёс суртахууны цагдаад баривчлагдсаны дараа цагдаагийн газарт нас барсан 22 настай Махса Аминигийн үхэл толгойн халхавчны тухай хуулийг эсэргүүцсэн орон даяарх эсэргүүцлийн хөдөлгөөнийг өрнүүлсэн юм.

Аминигийн үхлээс болж анх удаа дүрэлзсэн олон нийтийн эсэргүүцлийн давалгаа тус улсыг тэр чигт нь хамарч, дэглэмтэй холбоотой олон тооны гомдол саналууд ар араасаа цуварч байна.

Тус улсын ёс суртахууны цагдаа татан буугдаж байгаа эсэхийг асуусан сэтгүүлчийн асуултад Монтазери “Ёс суртахууны цагдаа шүүх засаглалтай ямар ч холбоогүй. Ёс суртахууны цагдааг анх гаргасан газраас нь татан буулгасан" гэв.

Араб хэлээр гардаг "Аль-Алам" төрийн телевизээр "Исламын Бүгд Найрамдах Иран улсын ямар ч албан тушаалтан Удирдах эргүүлийг хаасан гэж хэлээгүй" гэж мэдээлсэн байна.

Эх сурвалж: CNN