/2022.10.12/. Өнөөдөр болох үйл явдлын мэдээллийг хүргэж байна.

09:00-17:00 цагт ЭМЯ, ХӨСҮТ, Томуугийн Үндэсний төвөөс томуу, коронавируст халдварын харуулдан тандалтыг бэхжүүлэх, салбар хоорондын оролцоог нэмэгдүүлэх зорилгоор “Томуугийн эсрэг Үндэсний 10 дугаар зөвлөгөөн”-ийг "Crocus event"-д зохион байгуулна.

09:00 цагт Хууль зүйн байнгын хорооны хуралдаанаар Шүгэл үлээгчийн эрх зүйн байдлын тухай хуулийн төслийг Төрийн ордонд хэлэлцэнэ.

14:00 цагт Боловсрол, соёл, шинжлэх ухаан, спортын байнгын хорооны хуралдаанаар Мэргэжлийн болон техникийн боловсрол, сургалтын тухай хуулийн төслийг Төрийн ордонд хэлэлцэнэ.

11:00 цагаас МҮОХ, Төрийн тусгай албан хаагчдын нэгдсэн эмнэлэг хооронд хамтын ажиллагааны гэрээ байгуулах ёслол Олимпик хауст болно. Хамтын ажиллагааны хүрээнд "Парис-2024" олимпын тэтгэлэгт хамрагдсан тамирчид тус эмнэлгээр өндөр түвшний эмчилгээ, оношилгоог үнэ төлбөргүй, түргэн шуурхай хийлгэх боломж бүрдэж байна.

11:00 цагт “Экспо Монголиа-2022” олон улсын үзэсгэлэн, бага хурал “Мишээл экспо”-д эхэлнэ. Энэ удаагийн тус үзэсгэлэн “Хөрөнгө оруулалт ба эдийн засгийн таатай орчин” уриан дор Засгийн газрын дэмжлэгтэй болж байна.

11:30 цагт Үндсэн хуулийн дугуйлан төслийн талаар Иргэдийн шударга шүүх ТББ-аас “Зууны мэдээ” сонины “Үндэсний мэдээллийн төв”-д мэдээлэл хийнэ.