/2022.09.23/: Хятадын хууль зүйн сайд асан Фу Жэнхуа авлигын хэргээр хэд хэдэн томоохон мөрдөн байцаалтын ажиллагааг удирдаж байсан бөгөөд авлига авсан хэргээр бүх насаар нь шоронд хоригдох ял авлаа гэж тус улсын хэвлэлүүд мэдээлж байна.
67 настай Фүд тэнсэн харгалзах ял оноосон байгаа бөгөөд хоёр жилийн дараа бүх насаар нь хорих ялаар солих аж.
Фу нь 2018 онд Хууль зүйн сайд болохоосоо өмнө Олон нийтийн аюулгүй байдлын яамны дэд даргаар ажиллаж байсан бөгөөд арав орчим жилийн өмнө аюулгүй байдлын хаан асан, орчин үеийн Хятадын хамгийн хүчирхэг албан тушаалтан Жоу Юнканыг мөрдөн шалгах ажиллагаа зэрэг олон томоохон мөрдөн байцаалт, хэлмэгдүүлэлтүүдийг удирдаж байжээ.
Долоодугаар сард Фу 117 сая юань буюу 16.5 сая ам.долларын хахууль авснаа хүлээн зөвшөөрсөн байна.
Мөн өнгөрөгч лхагва гарагт Шанхай, Чунцин, Шаньси мужийн цагдаагийн гурван дарга асан авлигын хэргээр олон жил, тэр дундаа нэгийг нь бүх насаар нь хорих ялаар шийтгэжээ.
Энэхүү цэвэрлэгээ нь таван жилд нэг удаа болдог эрх баригч Коммунист намын их хурал болохоос гурван долоо хоногийн өмнө болсон бөгөөд Ши Жиньпин Хятадын удирдагчаар гурав дахь удаагаа сонгогдох төлөвтэй байна.
Эх сурвалж: Theguardian
