Ш.Энхийн-од "NBA"-ийн Орландо Мэжик багтай албан ёсны гэрээ байгуулж, "NBA"-тэй гэрээ байгуулсан анхны монгол тамирчин боллоо.

Энэ талаар Ц.Шаравжамц: “Энэ өдрийг мөн ч олон жил хүлээлээ дээ. NBA албан ёсны гэрээ хийсэн анхны Монгол боллоо. Хүүгийнхээ нэрийг харах ямар гоё байна. 10 хоногийн гэрээ ч гэсэн наддаа бол болно оо. Сэтгэл амрав. Одоо Жи лигийн баг руугаа ороод юу чаддагаа үзүүлээд өгөөрэй миний хүү. Аав нь ээж нь хүүгээрээ үнэхээр их бахархаж байна. Монголын сагсчид бас баярлаж байгаа гэдэгт эргэлзэхгүй байна. Бидний олон жилийн хүсэл байсан шүү. Та нартаа ч бас баяр хүргэе” гэв.

Ш.Энхийн-Од эдгээр өдрүүдэд Орландо Мэжик багийн үндсэн бүрэлдэхүүний хамтаар бэлтгэл хийж байгаа бөгөөд байгуулсан гэрээ Exhibit 10 буюу 10 өдрийн гэрээ аж. Мөн уг гэрээг цуцалж тус багийн харьяа буюу ‘affiliate’ тоглогч болгон авч үлдэнэ гэжээ.