Энэ оны 10 дугаар сарын 03-ны өдөр “Сургууль дээрээ байхдаа хутгалуулсан” гэх дуудлага, мэдээлэл цагдаагийн байгууллагад бүртгэгдсэн байна. Дуудлагаар ЕБС-ийн 12 дугаар ангийн сурагч бусдын гуянд хутгалж гэмтээсэн нөхцөл байдал тогтоогджээ.
Тодруулбал, дээрх хүүхдүүд хоорондоо тоглож байх үедээ зэвсгийн шинжтэй эд зүйл буюу төмөр самаар /butterfly comb/ санамсар болгоомжгүйгээр гэмтээсэн байна.
Иймд Эцэг, эх, асран хамгаалагчид хүүхдэдээ хутга болон бусад зэвсгийн шинжтэй эд зүйл авч өгөхгүй байх, худалдаа эрхлэгчид насанд хүрээгүй хүүхдэд зэвсгийн шинжтэй болон гэмтэл учруулж болзошгүй эд зүйл худалдаалахгүй байхыг Цагдаагийн Ерөнхий газраас анхааруулж байна.