.
/2024.05.20/: Өр төлбөрөө төлж барагдуул гэсэн шалтгаанаар бусдыг зодож хорьсон хэрэг гарсан байна. Энэ хэргийг урьд өмнө нь удаа дараа ял шийтгэл эдэлж байсан нэр бүхий этгээдүүд бүлэглэн үйлдсэн болохыг тогтоогоод байна.
Тодруулбал уг хэрэг анх ХУД-ын Цагдаагийн газарт анх бүртгэгдсэн бусдыг дарамталсан энэхүү хууль бус үйлдэл 2023 оны 3-6 дугаар сар хүртэлх хугацаанд үргэлжилсэн байна. Тиймээс гэмт этгээдүүдийг хүн барьцаалсан, бусдын эд хөрөнгийг авхаар заналхийлсэн, хүч хэрэглэсэн үйлдэлд холбогдуулан энэ оны тавдугаар сарын 17-ны өдөр эрүүгийн хэрэгт татан, мөрдөн шалгах ажиллагааг үргэлжлүүлж байгаа аж.
