/2024.05.09/: "Эрдэнэс Тавантолгой" ХК-ийн нэрийг барьж залилах гэмт хэрэг бүртгэгдэж байна.

Энэ оны эхний 5 сарын байдлаар Эрдэнэс Тавантолгой ХК-тай нүүрс худалдах, худалдан авах гэрээ байгуулж өгнө гэж бусдыг залилсан гэмт хэргийн талаарх 9 гомдол, мэдээлэл цагдаагийн байгууллагад бүртгэгдэн шалгагдаж байна.

Нийт 9 бүртгэгдсэн хэргээс дөрөвт нь хэрэг бүртгэл нээхээс татгалзаж шийдвэрлээд үлдсэнд нь хэрэг бүртгэл нээсэн. Энэхүү таван хэрэгт нийт 8-10 хүнийг холбогдуулан шалгаж байна.

Дээрх этгээдүүд нь ААН-ийн нүүрс худалдан авах хүсэлт, холбогдох бусад баримт бичгийг хүлээн авч ЭТТ ХК-ийн албан маягт, гарын үсэг, тамга тэмдгийг хуурамчаар үйлдэн ижил төстэй хуурамч цахим шуудангаар харилцаж их хэмжээний мөнгийг залилсан нөхцөл байдал тогтоогджээ.