/2024.03.20/: Улс орон, хот бүр өөр өөрийн стартап экосистемийн зураглалтай байдаг ба START нь сүүлийн хоёр жил Монгол Улсын уг зураглалыг боловсруулан, олон нийтэд хүргэж байгаа юм.
Энэ жилийн зураглал 211 байгууллага 29 бүлэгт хуваагдаж, харин экосистемийг дэмжигч хэсэгт 80 байгууллага 11 бүлэгт хуваагдан байршсан байна.
Нийслэл Бизнес инновацын газар нь энэ жилийн зураглалд экосистемийг дэмжигч байгууллага хэсэгт байршиж, Улаанбаатар инновацын төв нь ижил төрлийн үйлчилгээ явуулдаг 4 дундын оффистой зэрэгцэн зураглалд орсон байна.
Зураглалд багтах стартапуудыг бизнес модель, технологийн шийдэл, үйлчилгээ, зах зээлд нэвтэрсэн байдал гэх мэт олон талыг нь харж сонгон шалгаруулжээ.
