/2024.03.19/: Далайд гарцгүй орнуудын худалдааны тээврийг хөнгөвчилсөн олон улсын зохицуулалт болох НҮБ-ын Ази, Номхон Далайн бүс нутгийн Эдийн Засаг, нийгмийн комиссоос (UN-ESCAP) гишүүн орнуудын хуурай боомтын Засгийн газар хоорондын хэлэлцээрийг 2016 онд баталсан байдаг.

Энэхүү хэлэлцээрийн хүрээнд Монгол Улс Замын-Үүд, Улаанбаатар хот, Хөшигийн хөндий, Алтанбулаг, Сайншанд, Бичигт, Чойбалсан, Ховд гэсэн 8 байршилд хуурай боомт хөгжүүлэхээр тодорхойлж, худалдаа бараа эргэлтийн гол зангилаа болох Замын-Үүдээс уг ажлыг эхлүүлэхээр шийдвэрлээд байна.

ХУУРАЙ БООМТ БАЙГУУЛАХ АЧ ХОЛБОГДОЛ:

• Тарифын болон тарифын бус саад тотгорыг багасгана.
• Тээвэрлэлтийн зардал, хугацааг багасгана.
• Импортын барааны өртгийг бууруулна
• Тээвэрлэлтийн шинэ боломжийг нээнэ
• Чөлөөт бүсийг хөгжүүлнэ
• Эдийн засгийг төрөлжүүлж, аж үйлдвэрийг хөгжүүлнэ
• Байгаль орчинд ээлтэй, агаарын бохирдлыг бууруулна.Цахим худалдааг хөгжүүлэх нөхцөл бүрдэнэ
• Бүс нутгийн хөгжилд хувь нэмрээ оруулна