/2024.03.01/: ОХУ-ын Ерөнхийлөгч Владимир Путин Барууны орнууд Украины руу өөрсдийн цэргээ илгээвэл цөмийн дайн гарах эрсдэлтэйг анхааруулж, Москвад барууны объектуудад цохилт өгөх зэвсэг байгаа гэж мэдэгдэв.
Путин пүрэв гарагт ард түмэндээ хандаж хэлсэн үгэндээ Орос улс Европ руу довтлох гэж байгаа нь утгагүй зүйл гэж мэдэгдсэн ч түүний улс барууны орнуудад цөмийн зэвсгээр цохилт өгч болзошгүйг анхааруулсан байна.
Путин Францын ерөнхийлөгч Эммануэль Макроны "барууны цэргийг Украин руу илгээхийг үгүйсгэх аргагүй" гэж мэдэгдсэнийг дурдав.
Тэрбээр, "Тэдний ийнхүү хэлсэн нь бүх дэлхийг заналхийлж байна. Энэ бүхэн үнэхээр цөмийн зэвсэг ашиглахтай холбоотой мөргөлдөөн, улмаар соёл иргэншлийг устгах аюул заналхийлж байна"
"Бидэнд ч бас зэвсэг байгаа гэдгийг тэд ойлгох ёстой. Бид тэдний нутаг дэвсгэр дээрх байг онох зэвсэгтэй. Тэд ч энэ талаар мэдэж байгаа" гэж анхааруулав.
Хоёр жил гаруйн өмнө Орос Украинд бүрэн хэмжээний цөмрөн орж эхэлснээс хойш Путин хэд хэдэн удаа цөмийн зэвсгийн тухай яриа өрнүүлсэн. Орос өнгөрсөн онд хөрш Беларусь руу тактикийн цөмийн зэвсгээ шилжүүлсэн бөгөөд CNN энэ сард Орос хиймэл дагуулыг устгаж чадах цөмийн сансрын зэвсэг бүтээхээр оролдож байна гэж мэдээлсэн.
Путиныг үг хэлсний дараа АНУ-ын Төрийн департамент Орост цөмийн зэвсэг хэрэглэхээр бэлтгэж байгаа гэсэн “ямар ч шинж тэмдэг” байхгүй ч “үүнийг анхааралтай ажиглана” гэж мэдэгдэв.
Төрийн департаментын хэвлэлийн төлөөлөгч Мэттью Миллер хэвлэлийнхэнд өгсөн ярилцлагадаа “Бид Владимир Путины хариуцлагагүй үг хэллэгийг анх удаа харж байгаа юм биш. Бид өнгөрсөн хугацаанд цөмийн зэвсэг ашигласны үр дагаврын талаар Оростой хувийн болон шууд шугамаар харилцаж байсан.
Путины хэлсэн үг хоёр цаг гаруй үргэлжилсэн нь түүний өмнөх дээд амжилтыг эвдсэн гэж Оросын төрийн мэдээллийн ТАСС мэдээлсэн бөгөөд 3-р сарын 17-нд болох ерөнхийлөгчийн сонгуульд Оросууд санал өгөхөд Путин тав дахь удаагаа бүрэн эрхийнхээ хугацааг сунгаж, засаглалаа сунгах төлөвтэй байна.
Москва Украинд түрэмгийлсний дараа Финлянд, Швед улсууд эвсэлд нэгдсэний тул НАТО-г өргөжих “аюул заналхийллийг саармагжуулахын тулд Орос баруун хилийн дагуу цэргийн байдлаа бэхжүүлнэ” гэв.
Эх сурвалж: CNN
