/2024.02.29/: Өмнөд Солонгосын засгийн газар ажил хаясан олон мянган залуу эмч нарыг ажилдаа орохгүй бол эмчлэх зөвшөөрлийг нь цуцалж, хуулийн дагуу арга хэмжээ авна гэж сүрдүүлж байна.
Өнгөрсөн долоо хоногт тус улсын бага эмч нарын дөрөвний гурав орчим нь ажлаасаа гарсан нь резидент эмч нарыг ажиллуулдаг томоохон сургалтын эмнэлгүүдийн хагалгааны тасагт саатал үүсгэжээ.
Дадлагажигч эмч нар засгийн газраас жил бүр анагаахын оюутнуудын тоог эрс нэмэгдүүлсээр байгаа болон, систем дэх эмч нарын тоог нэмэгдүүлэх төлөвлөгөөг эсэргүүцэж байгаа юм.
Өмнөд Солонгос нь өндөр хөгжилтэй орнуудын дунд эмч, өвчтөний харьцаа хамгийн бага орны нэг бөгөөд хүн ам нь хурдацтай хөгширч байгаа тул ойрын 10 жилийн дотор асар их хомсдол үүснэ гэж засгийн газраас анхааруулсаар байна.
Энэ долоо хоногт Сөүл дэх Гэгээн Мэригийн эмнэлгийн хоосон коридорууд нь ирээдүй ямар байхыг харуулсан.
25 настай эмч Рю Ок Хада болон түүний хамтрагчид долоо хоног гаруй хугацаанд эмнэлэгт ажиллаагүй байна.
"Өглөөний 4 цагт босохгүй байх нь хачин санагдаж байна" гэж Рю хошигнолоо. Бага эмч BBC-д хэлэхдээ долоо хоногт 100 гаруй цаг ажилладаг, ихэвчлэн 40 цаг нойргүй ажилладаг байсан. "Бид ийм бага цалингаар хичнээн их ажилладаг нь хүн үнэмшмээргүй асуудал юм" гэв.
Хэдийгээр Өмнөд Солонгост эмч нарын цалин харьцангуй өндөр байгаа ч Рю өөрийн ажиллаж байгаа цагийг тооцвол бага эмч нар хөдөлмөрийн хөлсний доод хэмжээнээс ч бага цалин авч байгаа гэж үзэж байгаа юм. Илүү олон эмч нарыг ажиллуулах нь эрүүл мэндийн тогтолцооны бүтцийн асуудлыг шийдэж чадахгүй бөгөөд энэ нь тэднийг хэт их ачаалалтай, дутуу цалинтай болгоно гэв.
Эх сурвалж: ВВС
