/2024.02.13/: Палестины Улаан хавирган сар нийгэмлэгийн мэдээлснээр, даваа гарагийн шөнө Израилын агаарын довтолгоо Рафах хотын олон цэгт "маш хүчтэй" цохилт өгсний улмаас олон арван хүн, тэр дундаа хүүхдүүд амь үрэгджээ.
Даваа гарагийн үүрээр байлдааны онгоцууд хотыг онилж, нисдэг тэрэгнүүд хилийн бүсэд пулемётоор буудсан байна.
ХАМАС-ын хяналтад байдаг Газын эрүүл мэндийн яам 94 хүн амиа алдсан гэж мэдэгдэв. Эрүүл мэндийн яам зөвхөн цогцсыг олж тогтоосны дараа амиа алдагсдын тоог шинэчилдэг тул зөрүүтэй байх магадлалтай. Хоёр бүлэг энэ тоо өсөх магадлалтайг анхааруулж, хүмүүс нурангин дор дарагдсан хэвээр байгаа гэж мэдэгдэв.
Рафах хотын захиргаанаас өчигдөр хийсэн мэдэгдэлд, довтолгоонд лалын сүм, арав орчим байшин аөртсөн гэв.
Израилын арми Рафах хотын Шабура дүүрэгт хэд хэдэн удаа цохилт өгч, барьцаалагдсан Израилийн хоёр иргэнийг "тусгай ажиллагаа"-аар аварсан гэж мэдэгдэв.
Израилын Батлан хамгаалах хүчин, Израилын Аюулгүй байдлын агентлаг Шин Бет болон цагдаа нар хамтарсан мэдэгдэлдээ барьцаанд байгаа хүмүүсийг 60 настай Фернандо Саймон Марман, 70 настай Луис Хар нар болохыг тогтоосон тухай мөн мэдэгджээ.
