/2024.02.07/: Дорноговь аймаг, Эрдэнэ сумын нутагт Улаанбаатар хотоос Замын-Үүд сумын чиглэлд зорчиж явсан суудлын автомашин, ачааны автомашины хойд талаас мөргөж, суудлын автомашины бүхээгт 1 хүн хавчуулагдсан тухай дуудлага өчигдөр оройн 22:24 цагт Онцгой байдлын газарт иржээ.

Дуудлагын дагуу тус аймгийн Онцгой байдлын газрын Замын-Үүд сум дахь Гал түймэр унтраах, аврах 17 дугаар ангийн алба хаагчдыг очиход “Хьюндай сонота-6” загварын суудлын автомашин “Бейбен норд бенз” зүтгүүрийн хойд талаас мөргөж, суудлын автомашины жолооч Б /23 настай, эрэгтэй/, зорчигч Н/30 орчим настай, эрэгтэй/ нарыг эсэн мэнд гаргаж Эмнэлэгийн байгууллага авч явсан байна.

Ослын улмаас 2 хүн амиа алдсан байсныг автомашинаас нь гаргасан байсан бөгөөд 1 хүн автомашины бүхээгт хавчуулагдан амиа алдсан байсныг гаргаж цагдаагийн байгууллагад шилжүүлэн өгчээ.

Эх сурвалж: ОБЕГ