/2024.01.31/: Өнгөрсөн амралтын өдөр Йорданд Америкийн гурван цэргийг хөнөөсөн нисгэгчгүй онгоцны цохилтод АНУ хэрхэн хариу өгөхөө шийдсэнээ Ерөнхийлөгч Жо Байден мэдэгдлээ.
Ноён Байден Цагаан ордонд хэлсэн үгэндээ дэлгэрэнгүй хэлээгүй ч "Ойрхи Дорнодод илүү өргөн хэмжээний дайн хийх шаардлагагүй гэж бодож байна" гэв.
АНУ-ын цэргийн баазад болсон халдлагын хариуцлагыг Ираны дэмжлэгтэй зэвсэгт хүчний бүлэглэл хүлээсэн байна.
Иорданы довтолгоонд АНУ хариу өгөх ямар сонголттой вэ?
Аравдугаар сарын 7-нд Газын зурваст дайн эхэлснээс хойш Ойрхи Дорнодод АНУ-ын цэргүүд дайсны галд өртөн амиа алдсан анхны тохиолдол нь сүүлд нисгэгчгүй онгоцоор хийсэн халдлага юм.
Мягмар гарагийн өглөө сэтгүүлчдийн "халдлагад хариу өгөхөө шийдсэн эсэх"-ийг асуухад ноён Байден "Хариу өгнө" гэж хариулав.
Түүнээс гадна Ираныг буруутгах ёстой юу гэж асуухад "Би тэднийг [Иран] үүнийг хийсэн хүмүүсийг зэвсгээр хангасан чир хариуцлага хүлээх ёстой гэж үзэж байна" гэжээ.
Харин Иран энэхүү халдлагад ямар ч оролцоогүй гэж мэдэгдээд байгаа юм.
Цагаан ордны Үндэсний аюулгүй байдлын зөвлөлийн хэвлэлийн төлөөлөгч Жон Кирби хэлэхдээ, "АНУ хариу арга хэмжээ авахдаа "шатлалт арга хэмжээ" авч магадгүй. Зөвхөн ганц арга хэмжээ биш, харин хэд хэдэн үйлдэл хийх боломжтой ... тодорхой хугацааны туршид" гэв.
Ноён Кирби "Ерөнхийлөгч манай цэрэг, байгууламжийг хамгаалах, үндэсний аюулгүй байдлыг хангахын тулд хийх ёстой зүйлээ хийх болно" гэж нэмж хэлэв.
АНУ-ын Ерөнхийлөгчид Ираны холбоотон баазууд болон командлагчдад хариу цохилт өгөх зэрэг олон сонголт бий.
Түүнчлэн АНУ Ирак, Сири дэх Ираны Исламын хувьсгалын харуулын корпусын ахлах командлагчдыг онилж магадгүй юм.
Сүүлийн саруудад Ойрхи Дорнод дахь АНУ-ын хэд хэдэн баазад Иранаас бэлтгэгдсэн, санхүүжүүлж, тоноглосон зэвсэгт хүчнийхэн халдлага үйлдсэн.
Ирантай холбоотой хэд хэдэн зэвсэгт бүлэглэлээс бүрдсэн Ирак дахь Исламын эсэргүүцэл нь ням гарагт болсон цохилтын хариуцлагыг өөртөө хүлээсэн байна.
Эх сурвалж: ВВС
