/2023.12.22/: Даваа гарагийн шөнө Хятадын баруун хэсэгт орших Гансу мужид 6.2 магнитудын хүчтэй газар хөдлөлт болж олон хүн амь насаа алдаж, гэмтэж бэртсэн.

Газар хөдлөлтийн улмаас байшин барилгууд нурж, дэд бүтцүүд эвдэрч сүйдсэн юм.

Тэгвэл Хятадын Үндэсний Хөгжил, Шинэчлэлийн Хороо Ганьсу, Хөхнуур мужид газар хөдлөлтөд нэрвэгдсэн бүс нутгийн яаралтай сэргээн босголтын ажилд төсвөөс 250 сая юань (ойролцоогоор 35.2 сая ам. доллар) хуваарилснаа мягмар гарагт зарлалаа.

Энэхүү зардлаар зам гүүр, эмнэлэг, сургууль, цэцэрлэг гэх мэт нийтийн үйлчилгээний барилга байгууламжийн шинээр барих, сэргээн засварлах юм.

Өмнө нь Хятадын Эдийн засгийн яам, Онцгой байдлын яам мөн гамшигт нэрвэгдсэн хоёр мужид 200 сая юанийн мөнгөн дэмжлэг үзүүлсэн байна.

Эх сурвалж: MNCCTV