/2023.12.22/: Газын зурвасыг хянадаг Хамас бүлэглэл Израил "түрэмгийллээ бүрэн зогсоох"-ыг зөвшөөрөх хүртэл барьцааны хүмүүсийг суллахгүй гэж мэдэгджээ.

Энэ сарын эхээр 100 гаруй барьцааны хүнийг сулласнаас хойш Газын зурваст "Хамас"-ын 2000 гаруй дайчдыг устгасан гэж Израил мэдэгдлээ.

Аравдугаар сарын 7-нд Израилаас хулгайлагдсан 120 орчим хүн Газын зурваст олзлогдсон хэвээр байна.

Египетийн нийслэл Каир хотноо шинэ эвлэрлийн хэлэлцээр үргэлжилж байгаа ч лхагва гарагт болсон анхны хэлэлцээ ямар ч тохиролцоонд хүрээгүй байна.

Хамас мэдэгдэлдээ: "Түрэмгийллээ бүрэн зогсоосноос бусад тохиолдолд хоригдлуудын тухай ярих, солилцох хэлэлцээр хийх ёсгүй гэсэн Палестины үндэсний шийдвэр бий" гэж Палестинд үйл ажиллагаа явуулдаг бүлэглэлд хандан хэлжээ.

Уг мэдэгдэлд Палестины аль бүлэглэлд хандсан нь тодорхойгүй байна. Газын зурвас дахь "Лалын жихад" хэмээх жижиг бүлэглэл нь Израилын хүмүүсийг барьцаалж байгаа хүмүүсийн нэг юм.

ХАМАС-ын мэдэгдэл нь Израилын засгийн газрыг маш хүнд байдалд оруулж байна.

Одоо Израилын талаас барьцаалагдсан хүмүүсийг суллах хамгийн сайн арга бол Хамас бүлэглэлд цэргийн шахалт үзүүлж, аврах ажиллагаа явуулах явдал гэж үзэж байгаагаа мэдэгджээ.

Гэвч өнөөг хүртэл энэ арга үнэхээр үр дүнд хүрээгүй байна.

Эх сурвалж: ВВС