/2023.12.07/: Лас Вегасын Невадагийн их сургуульд буудалцаан болсны улмаас гурван хүн амиа алдсан бөгөөд гал нээсэн этгээд мөн амиа алджээ.

Эрх баригчид орон нутгийн цагаар 11:45 цагт тус их сургуулийн Beam Hall-ын ойролцоо гал нээсэн тухай дуудлага хүлээн авсан бөгөөд цагдаа нар хэргийн газарт очсоны дараа буюу орон нутгийн цагаар 12:37 цагт цагдаа нар сэжигтэн нас барсан гэж мэдэгдэв.

Халдлагын улмаас шархадсан гурван хохирогчийг Sunrise Hospital гэмтлийн төвд эмчилж байгаа аж. Гэмтлийн эмнэлгийн захирал, доктор Крис Фишер хэлэхдээ, тус эмнэлэг ослын талаар мэдээ авмагц олон тооны хохирогчдын протоколыг идэвхжүүлсэн гэв.

Хууль сахиулах байгууллагын эх сурвалжийн мэдээлснээр сэжигтэн нь 67 настай коллежийн профессор бөгөөд UNLV-тэй ямар холбоотой нь одоогоор тодорхойгүй байна.

Эх сурвалж: CNN