Гурван эмэгтэйг хүчээр биеийг нь үнэлүүлж байсан этгээдүүдийн хэргийг прокурорт шилжүүлжээ
Шуурхай мэдээ
 
Энэ мэдээ хуучирсан буюу 2023/12/04-нд нийтлэгдсэн мэдээ болно.

Гурван эмэгтэйг хүчээр биеийг нь үнэлүүлж байсан этгээдүүдийн хэргийг прокурорт шилжүүлжээ

/2023.12.04/: Цагдаагийн байгууллагаас өнгөрсөн долоо хоногт 32.605 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 358 хэргийг хүргүүлсэн байна.

Үүнээс: Хүний амьд явах эрхийн эсрэг 5, Хүний эрүүл мэндийн халдашгүй байдлын эсрэг 66, Хүний бэлгийн эрх чөлөө, халдашгүй байдлын эсрэг 12, Өмчлөх эрхийн эсрэг 247, Олон нийтийн аюулгүй байдал, ашиг сонирхлын эсрэг 8, Хүрээлэн байгаа орчны эсрэг 2, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 12, бусад 6 хэрэг байна.

Эрэн сурвалжлах ажиллагаа, зарим гэмт хэрэг, зөрчлийн шийдвэрлэлтийн талаар:

  • Цагдаагийн байгууллагад өнгөрөгч 7 хоногт эрэн сурвалжлалтын чиглэлээр оргодол 25, гэмт хэрэгт сэрдэгдсэн этгээд 123, сураггүй алга болсон хүн 66, шүүхээс даалгасан хүн 152, зөрчил үйлдсэн 20 хүнийг дэвшилтэт технологи ашиглан олж тогтоосон байна.
  • Хүүхдийн эрхийг зөрчсөн 49 иргэнд 14.700.000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 147 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ.

Шүүхэд шилжүүлэх саналтай прокурорт хүргүүлсэн зарим хэргийг танилцуулбал:

  • Эрүүгийн цагдаагийн албанаас Монгол Улсад бүртгэлтэй “Р” ХХК-ийн эзэмшлийн 3,350 тонн нүүрсийг хулгайлах замаар бусдад их хэмжээний хохирол учруулсан гэх хэрэгт иргэн “О”-г холбогдуулан Эрүүгийн хуулийн 17.1 дүгээр зүйлийн 2 дахь хэсгийн 2.3 дахь заалтад зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж дуусган хэргийг шүүхэд шилжүүлэх саналтай прокурорт хүргүүлсэн.
  • Мөн Баянзүрх дүүргийн 13 дугаар хорооны нутаг дэвсгэрт 2016, 2017 онуудад насанд хүрээгүй хохирогч гурван хүний эмзэг байдлыг далимдуулж, эрхшээлдээ байлган улмаар биеийг нь үнэлүүлж, хүн худалдаалах гэмт хэрэг үйлдсэн гэх хэрэгт иргэн “Г”, “Д” нарыг холбогдуулан Эрүүгийн хуулийн 13.1 дүгээр зүйлийн 2 дахь хэсгийн 2.1, 2.2 дахь заалтад зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж, шүүхэд шилжүүлэх саналтай Нийслэлийн прокурорын газарт хүргүүлсэн.

Шийдвэрлэсэн зарим зөрчлүүдээс танилцуулбал:

  • Тээврийн цагдаагийн албанаас иргэн “Д” нь 2023 оны 11 дүгээр сарын 30-ны өдөр Сүхбаатар дүүргийн нутаг дэвсгэр Боловсролын их сургуулийн автобусны буудлын хойд замд Toyota маркийн тээврийн хэрэгслээр урсгал сөрж, замын хөдөлгөөний дүрэм зөрчсөн үйлдэлд Зөрчлийн тухай хуулийн 14.7 дугаар зүйлийн 30 дахь хэсэгт зааснаар 50 нэгжтэй тэнцэх 50.000 төгрөгөөр торгох шийтгэл оногдуулсан.
  • Баянзүрх дүүргийн цагдаагийн газраас 2023 оны 11 дүгээр сарын 25-ны өдөр тус дүүргийн 24 дүгээр хорооны нутаг дэвсгэрт байрлах орон сууцны хорооллын тоглоомын талбайд өсвөр насны 20 орчим хүүхдүүд хоорондоо зодолдох гээд байна гэх мэдээлэлд шалган шийдвэрлэх ажиллагаа явуулж хоорондоо зодолдсон үйлдэл тогтоогдоогүй тул зөрчлийн шинжгүй үндэслэлээр гомдол, мэдээллийг хүлээн авахаас татгалзах шийдвэр гаргасан.
  • Хан-Уул дүүргийн цагдаагийн газраас 2023 оны 11 дүгээр сарын 22-ны өдөр тус дүүргийн 15 хорооны нутаг дэвсгэрт үйл ажиллагаа явуулдаг “О” нэртэй сургуулийн сурагчдаас үе тэнгийн дээрэлхэлт, гадуурхалт гарган хүүхдийн эрх зөрчигдсөн байж болзошгүй үйлдэлд шалгах шийдвэрлэх ажиллагаа явуулж зөрчлийн шинж тогтоогдоогүй тул зөрчлийн шинжгүй үндэслэлээр гомдол, мэдээллийг хүлээн авахаас татгалзах шийдвэр гаргасан.

Нийтийн мэдээллийн ил тод байдлын тухай хуульд заасан мэдээлэл нээлттэй, ил тод, үнэн зөв байх, бодитой мэдээллээр хангах үндсэн зарчмын дагуу гэмт хэргийн мөрдөн шалгах ажиллагааны талаарх мэдээллийг Монгол Улсын Үндсэн хуулийн 16 дугаар зүйлийн 14 дэх заалт, Эрүүгийн хэрэг хянан шийдвэрлэх тухай хуулийн 29.3 дугаар зүйлийн 5 дахь хэсэгт заасныг чанд баримтлан товч байдлаар олон нийтэд мэдээлж байгаа болно.

ХУД-ийн “Нархан“ хотхоны баруун талд явган хүний зам тавьж эхэллээ
ХУД-ийн “Нархан“ хотхоны баруун талд явган хүний зам тавьж эхэллээ
 
Т.Баярхүү: Хаваржилтын  эрсдэлийг бууруулах ажлыг улс төржүүлэхгүй байхыг  хүсэж байна
Т.Баярхүү: Хаваржилтын эрсдэлийг бууруулах ажлыг улс төржүүлэхгүй байхыг хүсэж байна
Энэ мэдээ хуучирсан буюу 2023/12/04-нд нийтлэгдсэн мэдээ болно.