/2023.11.29/: Мягмар гарагт Гималайн уулын доорх нурсан хонгилоос гарч ирсэн 41 ажилчдыг баяр хөөрөөр дүүрэн угтаж авлаа.

Аврах багийнхан уурхайчдыг гаргахын тулд уулын дундуур цооног гаргасан хэдий ч техникийн асуудалтай тулгарсан тул сүүлийн хэдэн метрийг гараар ухаж 17 хоногийн турш гацсан уурхайчдыг эсэн мэнд гаргажээ.

41 уурхайчдад ямар нэг шинж тэмдэг илрээгүй бөгөөд сульдсан, халуурсан шинж тэмдэггүй, бүгд эрүүл байгаа аж. Тэднийг гаргахдаа дамнуурга ашиглана гэж тооцоолж байсан ч тэд өөрсдөө мөлхөж гарч ирсэн байна.

Аврагдсан уурхайчдад тус бүр 100,000 рупи буюу ойролцоогоор 1,200 долларын чек олгохоор болсон байна.

Мөн эдгээр 41 ажилчдыг 15-20 хоног эсвэл 1 сарын хугацаанд гэртээ харьж, гэр бүлийнхэнтэйгээ цагийг өнгөрөөхийг зөвшөөрөхийг компаниас хүсэх гэж байгаа талаар албаны хүн мэдэгдэв.

Эх сурвалж: CNN