/2023.11.20/: УИХ дахь Ардчилсан намын бүлгийн хурал боллоо.

О.Цогтгэрэл: Батлан хамгаалахын сайдад хариуцлага тооцох ёстой, иргэний төлөөлөл, иргэний эрх ашгийг хамгаалдаг төлөөлөл Батлан хамгаалахын сайдаар ажиллах ёстой. 2017 оноос хойш 20 залуу амиа алдсан гэсэн албан мэдээлэл байна. Жилд хоёроос дээш залуу нас барсаар байна. Гол асуудал нь батлан хамгаалах тогтолцоонд байна гэж үзэж байгаа. Өнгөрсөн хугацаанд Батлан хамгаалахын сайд иргэний төлөөлөл байна гэсэн зүйл заалт хэрэгжиж ирсэн. Зэвсэгт хүчний жанжин штаб гэдэг нь мэргэжлийн байгууллага байдаг. Гэвч хүний эрхийн асуудлаа тэнцүүлж авч явах зарчим зөрчигдсөөр ирсэн юм.