/2023.10.26/: АНУ-ын хууль сахиулах байгууллагын мэдээлснээр лхагва гарагийн орой Мэн мужийн Льюистон хотод болсон буудалцаанаар 16 хүн амиа алдаж, 50-60 хүн шархадсан байна.
Одоогийн байдлаар сэжигтнийг эрэн сурвалжлах ажиллагаа явагдаж байна гэж цагдаа нар мэдэгдэв.
Льюистон дахь зоогийн газар, боулингийн талбай зэрэг хэд хэдэн газруудад уг буудалцаан болсон гэж албаныхан хэлэв. Аюултай нөхцөл байдал үргэлжилж байгаа тул Мэн мужийн цагдаагийн газраас оршин суугчдыг гэр гэртээ байхыг анхааруулж байна.
Уг үйл явдлаас болж бүх үйл ажиллагааг зогсоосон бөгөөд сургуулиудыг хаагаад байгаа аж.
Буудалцааны улаас шархадсан хүмүүсийг Мэйн хотын төв эмнэлэгт хүргэж байгаа бөгөөд тус төвөөс өвчтөнүүдийг хүлээн авах чиглэлээр бүсийн эмнэлгүүдтэй хамтран ажиллаж байна гэж мэдэгдэв.
Льюистон хотын цагдаа нар фэйсбүүк хуудсандаа Льюистон хотод болсон буудалцаантай холбогдуулан урд гупер нь хар өнгөтэй машин хайж байгаа гэж мэдэгджээ.
Хэрэгтнийг баривчилхад Холбооны мөрдөх товчооноос тусламж үзүүлэхээр тус мужийн хууль хүчний байгууллагуудад санал тавиад байгаа аж.
Эх сурвалж: CNN
