/2023.10.20/: Газын зурваст Израил улс Палестинчуудыг бүслэж, өдөр шөнөгүй бөмбөгдөж, өдөр бүр олон зуун хүний аминд хүрч, олон хүн тахир дутуу болж, бүхэл бүтэн гэр бүл иргэний бүртгэлээс арчигдаж байхад олон улсын хамтын нийгэмлэгүүд чимээгүйхэн ажигласаар байна.
Өнөөдөр Палестинчуудын зовлонг үл тоомсорлож буй харгис хэрцгий байдлаас илүүтэйгээр дараа нь юу болох бол гэсэн айдас улам бүр нэмэгдэж байна.
Палестинд болж буй үйл явдлыг геноцид, тэр ч байтугай үндэстний цэвэрлэгээ гэж хэлэх боломжгүй болсон. Энэ бол үй олноор нь устгахаас давсан зүйл - энэ бол бүрэн устгах явдал юм.
Ихэнх нь эмэгтэйчүүд, хүүхдүүд байдаг Палестины гэм зэмгүй энгийн иргэдийн амь насыг авахын тулд хийж буй ёс суртахууны хувьд ялзарсан цэргийн кампанит ажил болж байна.
Хэрвээ та Apple, Google эсвэл бусад дижитал газрын зургийг нээгээд "Палестин" гэж бичвэл олохгүй. Та зөвхөн Израилийг л олох болно. Мэдээжийн хэрэг, та Палестины нутаг дэвсгэрийг Израилчуудад "Эзлэгдсэн" гэсэн харамсмаар үнэнийг илчлэх түлхүүр үгийг газрын зураг дээр хаанаас ч олохгүй.
Өнөөдөр амьд байгаа Палестин хүн бүр харьяалалгүй, орон гэргүй болсон, эсвэл тэдний эцэг эхийнх нь эх орон гэж огт байгаагүй мэтээр үзэж байна. 1948 оноос өмнөх бүх газрын зураг, туг далбаа, зураг, соёл, тэр ч байтугай хуучин зооснууд дээр байх "Палестин" гэж бичсэн үг бүхэн одоо хуурамч мэт болжээ. Уг нь зарим Палестин хүн Израил улсаас хэдэн насаар ах, эгч байна.
Өмнө нь Палестины нэрийг арилгаж байсан бол харин одоо Палестины ард түмнийг тэр чигт нь устгах гэж байна.
Арабын орнууд болон Израилийн хоорондын харилцааг хэвийн болгохын тулд АНУ-ын зуучлан байгуулсан "Абрахамын хэлэлцээр" нь эцэстээ гол хохирсон тал болох Палестины хүн амыг хассан юм. Арабын улсууд болон Израилийн хооронд энх тайвныг тогтооход хамгийн том саад болж байсан Палестинчуудын зовлон зүдгүүр нь Палестины ард түмнийг ийм гайхалтай хэлэлцээрт чухал оролцогч, хэрэв гол нь биш юмаа гэхэд чухал тал болгох байсан гэж тааварлаж байсан. Гэсэн хэдий ч Абрахамын хэлэлцээрийн хувьд Палестинчууд огт байхгүй.
Ингээд бид хэдхэн жилийн дараа гэхэд Палестины талаар зөвхөн түүхийн номноос л байсан гэдэг үгийг уншихаар болж байна.
Эх сурвалж: Aljazeera
