/2023.09.11/: Баасан гарагийн шөнө Мароккод болсон 6.8 магнитудын газар хөдлөлтийн улмаас амиа алдагдсдын тоо хамгийн сүүлийн мэдээллээр 2122 болоод байна.
Дэлхийн удирдагчид тус улсад болсон байгалийн гамшигт нэрвэгдсэн иргэдэд эмгэнэл илэрхийлсээр байна.
АНУ-ын Ерөнхийлөгч Жо Байден өнгөрсөн бямба гарагт хийсэн мэдэгдэлдээ газар хөдлөлтөд өртсөн хүмүүст гүнээ харамсаж байгаагаа илэрхийлээд, түүний засаг захиргаа Мароккогийн ард түмэнд шаардлагатай тусламжийг хүргэхэд бэлэн байгаагаа илэрхийлээд байна.
Шархдагсдын тоо өчигдрийн байдлаар 2421 болсон гэж төрийн мэдлийн 2М телевиз ням гарагт мэдээлэв.
Амь үрэгдэгсдийн тоо нэмэгдэх төлөвтэй байгааг аврагчид анхааруулж байна.
Баасан гарагийн орой болсон энэхүү газар хөдлөлт нь эртний Марракеш хотын орчимд сүүлийн зуунд болсон хамгийн хүчтэй газар хөдлөлт гэж АНУ-ын Геологийн алба мэдээлэв.
Францын гадаад хэргийн яамнаас ням гарагт өгсөн шинэчилсэн мэдээллээр Мароккод болсон газар хөдлөлтийн улмаас Францын дөрвөн иргэн нас барж, 15 хүн шархадсан байна.
Дэлхийн банк газар хөдлөлтийн дараа Мароккод "бүрэн дэмжлэг" үзүүлж байгаагаа мэдэгдэв.
Банкнаас бямба гарагт хийсэн мэдэгдэлдээ “Бид Мароккогийн өмнөд хэсэгт хүний амь насыг авч одсон, гэмтэл, хохирол учруулсан аймшигт газар хөдлөлтийн уршгаар зовж шаналж буй Мароккогийн ард түмэнд гашуудаж байна.
"Бид вант улсад гүн эмгэнэл илэрхийлж, энэхүү гамшгийн дараа тус улсад бүрэн дэмжлэг үзүүлэхээ дээд түвшинд хүргэж байна" гэв.
Тус улсад 1960 онд газар хөдлөлт болж 12 мянган хүн нас барж байжээ.
Эх сурвалж: CNN
