/2023.08.24/: УИХ-ын гишүүн, УИХ дахь Ардчилсан намын бүлгийн дарга О.Цогтгэрэл Ардчилсан намын дэргэдэх “Бизнесийн зөвлөл”-ийн залуучуудыг хүлээн авч уулзлаа

Бизнесийн салбарт өөрийн бодит хувь нэмэр, санал санаачилга, бүтээмжийг бий болгон, амжилттай ажиллаж буй залуучуудыг Ардчилсан нам дэмжин ажиллаж байгаа бөгөөд бизнесийн салбар бүрт манлайлан үйл ажиллагаа явуулж байгаа Ардчилсан намын даргын дэргэдэх “Бизнес зөвлөл”-ийн гишүүдийг УИХ-ын гишүүн, УИХ-дахь АН-ын бүлгийн дарга О.Цогтгэрэл хүлээн авч өглөөний уулзалт хийлээ.

Ардчилсан намын даргын дэргэдэх Бизнес эрхлэгч залуучуудын зөвлөл нь залуу бизнес эрхлэгчдийн үйл ажиллагаанд тулгарч байгаа саад бэрхшээл, түүнээс гарах арга замыг судлан тодорхойлж, тэдгээрийн нийтлэг эрх ашгийг хамгаалах үүднээс тодорхой асуудлыг Ардчилсан намын мөрийн хөтөлбөрт тусгуулах, төр засгийн холбогдох байгууллагад илэрхийлэх, оновчтой шийдвэр гаргуулах, зэрэг ажлуудыг хийх юм.