/2023.06.08/: Одоо 16:00 цагт зарлан мэдээллийн дуут дохио дуугарч, газар хөдлөлтийн үеийн дадлага сургуулийг зохион байгуулна.

Үүнтэй холбогдуулан нийслэлийн Засаг даргын авто замын хөдөлгөөнийг түр хязгаарлах тухай захирамж гарсан.

Болзошгүй газар хөдлөлтийн гамшгийн аюулын зарлан мэдээлэх дохиогоор иргэд аюулгүйн талбайд түр цугларна. Дадлага, сургууль явагдах газруудад өнөөдөр буюу зургадугаар сарын 8-ны өдрийн 15:55-16:10 цагийн хооронд авто зам, замын байгууламжийг түр хаагаад байна.

Иймд иргэд та бүхэн зарлан мэдээллийн дохиогоор дуугарах үед дадлага сургуульдаа идэвхтэй оролцож, иргэний үүргээ биелүүлэхийг уриалж байна.