/2023.05.25/: Япон улс 18 хүртэлх насны хүүхдүүдэд сар бүр 10,000 иен олгохоор Хүүхдийн тэтгэмжийн хөтөлбөрөө өргөжүүлэхээр хэлэлцэж байна гэж мэдээллээ.

Энэхүү халамжийн нэмэгдэл нь ерөнхий сайд Фумио Кишидагийн 2024 оны дөрөвдүгээр сараас эхлэн гурван жилийн хугацаанд эрчимтэй хэрэгжүүлэх багц арга хэмжээний нэг хэсэг юм.

Одоогийн байдлаар Япон улсад тодорхой шаардлага хангасан гэр бүлийн 3 хүртэлх насны хүүхдэд сар бүр 15,000 иений тэтгэмж олгож байна.

Японы Засгийн газар хүүхдэд олгох тэтгэмжийг нэмэгдүүлэхийн тулд зарлагаа бууруулж, нийгмийн даатгалын шимтгэлийг нэмэгдүүлэх замаар жил бүр 3 их наяд иений орлого олохоор зорьж байна. Үүний 1 их наяд гаруй нь хүүхдийн мөнгийг нэмэгдүүлэхэд зарцуулагдах аж.

Эх сурвалж: japantimes