/2023.05.22/: ОХУ-ын Гадаад хэргийн дэд сайд Украинд F-16 сөнөөгч онгоц нийлүүлбэл "асар их эрсдэлтэй" гэдгийг барууны орнуудад анхааруулсан талаар Оросын төрийн мэдээллийн ТАСС агентлаг бямба гарагт мэдээлэв.

F-16 нь 860 км тусгалтай өндөр хүчин чадалтай зэвсгийн системд тооцогддог бөгөөд одоо Украины флотод байгаа онгоцны шинэчлэлт болох юм.

Энэхүү алхамын хариуд Александр Грушко “Өрнөдийн орнууд хурцадмал байдлыг нэмэгдүүлэх хувилбарыг баримталсаар байгааг бид харж байна. Энэ нь өөрсдөдөө асар их эрсдэл дагуулна. Ямар ч байсан бүх төлөвлөгөөндөө үүнийг тусгах болно, тавьсан зорилгодоо хүрэхэд шаардлагатай бүх арга хэрэгсэл бидэнд бий” гэв.

Энэ долоо хоногийн эхээр Их Британи, Нидерланд улсууд Украинд F-16 сөнөөгч онгоц худалдан авахад туслах “олон улсын эвсэл” байгуулж байгаа тухай мэдээлсэн.

Нидерланд зэрэг Европын цөөн хэдэн улс АНУ-д үйлдвэрлэсэн F-16 онгоцуудыг нийлүүлж байгаа бөгөөд тэдний заримыг Украинд экспортлоход бэлэн байгаагаа илэрхийлэв. Гэхдээ АНУ-ын энэхүү нисэх онгоц нь нууц технологитой тул АНУ гуравдагч этгээдийн шилжүүлгийг зөвшөөрөх ёстой.

Байдены зүгээс өмнө нь энэхүү онгоцыг нийлүүлэхээс татгалзаж байсан хэдий ч одоо нийлүүлэхээр шийдсэн байр суурьтай байгаа юм.

Гуравдугаар сард АНУ Украины хоёр нисгэгчийг нислэгийн симулятор ашиглан ур чадварыг нь үнэлж, АНУ-ын бүх төрлийн цэргийн нисэх онгоц, тэр дундаа F-16 онгоцуудыг нисгэж сурахад хэр хугацаа шаардагдахыг үнэлэх зорилгоор Аризонагийн Тусон дахь цэргийн баазад хүлээн авч уулзсан байна.

Эх сурвалж: CNN