/2022.05.10/: Алабамагийн хорих ангийн ажилтан асан Вики Уайт болон оргосон хоригдол Кэйси Уайт нарыг даваа гарагийн өглөө Индиана мужид баривчилсан байна.

Вики Уайт Индиана мужийн Эвансвилл хотод цагдаа нартай хөөцөлдөж байгаад баривчлагдсаны дараа өөрийгөө буудаж эмнэлэгт хүргэгдсэн гэж АНУ-ын маршалууд CNN-д ярьжээ.

АНУ-ын маршал Мэтт Килигийн хэлснээр мөрдлөг эхлэхээс өмнө тандалт хийж байсан офицерууд Вики Уайтыг хиймэл үс зүүж зочид буудлаас гарч байхыг олж харжээ. Дараа нь тэр Кэйси Уайттай хамт машинд суугаад цааш явсан байна.

Хууль сахиулагчид баричвлах ажиллахаа эхлэх хүртэл тэднийг ажигласаар байсан бөгөөд АНУ-ын Маршалын ажлын хэсгийн гишүүн "хосын сууж явсан Кадиллак машин эвдэрч, өнхөрсөн" гэж хэлэв.

Офицерууд хоригдлыг эвдэрсэн машинаас гаргаж чадсан ч Вики Уайт автомашинд хавчуулагдсан байхдаа толгойгоо бууджээ.

Хосуудыг баривчлах ажиллагаанд улсын нилээд хэдэн мужуудад мөрдлөг хийсэн бөгөөд иргэдээс ирсэн мэдээллийн ачаар хосыг баривчилснаар 11 хоног үргэлжилсэн эрэн сурвалжлах ажил дуусчээ.

Эх сурвалж: CNN