/2022.03.31/ ОХУ-ын Ерөнхийлөгч В.Путин Украинд цэргийн ажиллагаа явуулах шийдвэрийг хоёрдугаар сарын 24-ны өдөр гаргасан. Үүнээ хойш Орос-Украины дайн 36 дах өдрөө үргэлжилж байгаа юм.

Украины сүүлийн үеийн нөхцөл байдлын талаарх мэдээ, мэдээллийг хүргэж байна.

• Их Британийн Ерөнхий сайд Борис Жонсон "Оросууд бүх цэргээ Украинаас гаргах хүртэл барууны орнууд Москвагийн эсрэг тавьсан хориг арга хэмжээгээ цуцалж болохгүй" гэж мэдэгдэв.
• Ерөнхийлөгч Владимир Зеленський "Украины нутаг дэвсгэрийн “метр тутамд” тэмцэнэ" гэж амлав.
• НҮБ-ээс гаргасан судалгаагаар Оросын түрэмгийллийн улмаас дөрвөн сая гаруй хүн Украиныг орхин дүрвэжээ.
• Москва, Киев хоорондын энхийн хэлэлцээ баасан гарагт онлайнаар үргэлжилнэ гэж мэдэгдэв.
• Оросууд Киевийн ойролцоох татсан цэргийнхээ 20 хувийг эргүүлэн байршуулж байна гэж Пентагоноос мэдээллээ.