/2022.03.30/ Засгийн газрын хуралдаанаас гарсан шийдвэрийг танилцуулж байна.

Эрчим хүчний сайд Н.Тавинбэх:

Монгол Улсын Засгийн газраас агаарын бохирдлыг бууруулж, цахилгаан машины хэрэглээг дэмжих зорилго дэвшүүлсэн. Хэрэв цахилгаан машин нэвтрүүлсэн тохиолдолд Эрчим хүчний яамнаас цахилгаан эрчим хүчний эх үүсвэрээр дэмжих боломжтой эсэхийг ЗГ-ын хуралдаанаар хэлэлцлээ. Өнөөдрийн байдлаар МУ-ын хэмжээнд 492 цахилгаан автомашин байна.

Мөн манай яамнаас Эрдэнэбүрэнгийн усан цахилгаан станцын талаарх мэдээллийг Засгийн газарт танилцууллаа. Барилга, угсралтын ажил эхлэхэд бэлэн болсон. Ганц асуудал нь нөлөөлөлд автсан иргэд байна. Тэдний нөхөн олговрыг нэмэгдүүлэх талаар ярилцаж байна. Үүнийг ирэх долоо хоногийн ЗГ-ын хуралдаанаар хэлэлцэнэ.

Шинээр бий болох усан сангийн газарт ажиллаж, амьдарч байгаа 270 өрх, 1,251 иргэн байна.