/2022.03.29/: Украины Ерөнхийлөгч Владимир Зеленський ням гарагт Оросын сэтгүүлчдэд өгсөн ярилцлагадаа энхийн хэлэлцээний чухал цэг болох Украиныг төвийг сахих боломжийн талаар дэлгэрэнгүй ярьжээ.
"Энэ бол хамгийн чухал цэг юм. Бид үүнийг хүлээн зөвшөөрөхөд бэлэн байна" гэж Зеленський хэлэв.
Зеленський болон Украины албаны хүмүүс НАТО тус улсыг эвслийн гишүүнээр элсүүлэхэд бэлэн биш бол төвийг сахих тухай ярихад бэлэн гэдгээ эртнээс мэдэгдсээр ирсэн. Энэ нь ОХУ-ын Ерөнхийлөгч Владимир Путины тавьсан шаардлагуудын нэг болох Украин НАТО-д элсэх хүсэл эрмэлзлээсээ татгалзах ёстой гэсэн хэсгийг биелүүлж байгаа гэсэн үг юм.
Зеленський Украины аюулгүй байдлын баталгааг хуулиар баталгаажуулахгүйгээр “төвийг сахих”-аас татгалзах болно гэдгийг тодорхой хэлсэн. Мөн Украин Оросын түрэмгийлэлд өртөж байгаа тул Украины удирдагч хоосон амлалт өгөх сонирхолгүй гэдгээ мэдэгдэв.
"Энэ удаагийнх нь Будапештийн санамж бичиг шиг цаас төдий биш гэдгийг баттай мэдэх сонирхолтой байна" гэж тэр хэлэв.
Зеленскийн ахлах зөвлөх Михайло Подоляк хэлэхдээ, аюулгүй байдлын баталгаа нь үндсэндээ Украинд түрэмгийллийн үед туслах батлан даагч нарын амлалтыг агуулсан байх ёстой.
НАТО-д элсэх хүсэл нь Украины үндсэн хуульд тусгагдсан байдаг ажээ.
Аюулгүй байдлын баталгаа гарсны дараа Украинд бүх нийтийн санал асуулга явуулах ёстой гэж тэр тайлбарлав.
Эх сурвалж: ВВС
